ՔՈՒՆՔԱՅԻՆ ՇՐՋԱՆ

Սահմաններն են՝

Առջևից՝ ակնակապճի վերին դրսային եզր,

Վերևից և հետևից՝ վերին քունքային գիծ,

Ներքևից՝ այտային աղեղի վերին եզրը և բրա շարունակությամբ հետ տարած գիծը։

Շերտերը՝

1. Մաշկ
2. Ենթամաշկ
3. Մակերեսային փակեղ,
4. Քունքային փակեղ (սեփական)
5. Ենթաջլոնային բջջանք
6. Քունքամկան
7. Քունքոսկրի խրթեշ

Մաշկ

            Հետևից և վերևից հաստ է, առջևից և ներքևից բարակ ու շարժուն, զուրկ մազերից։

Ենթամաշկ

Ենթամաշկը թույլ է զարգացած։ Այստեղ տեղադրված են ավշային և արյունատար անոթներ։

Մակերեսային փակեղ

Սա հանդիսանում է ջլոնային սաղավարտի շարունակությունը։ Կազմված է 2 շերտերից՝

• մակերեսային՝ խորշիկավոր
• խորանիստ՝ շերտավոր, որով անցնում են (3-րդ խուրձ) քունքային մակերեսային  զարկերակը, երակը(a.v. temporalis superficialis) և ականջ-քունքային նյարդը (n. auriculotemporalis)։ Զարկերակը կարելի է շոշափել ականջի այծիկից մեկ միջաձիգ մատ առաջ։

Այս շրջանի մակերեսային նյարդերն են՝

V զույգ նյարդ՝ եռվորյակ նյարդ (n. trigeminus) → 3-րդ ճյուղ՝ ստործնոտային նյարդ (n. mandibularis) → ականջ-քունքային նյարդ (n. auriculotemporalis)` մաշկային ճյուղեր։

V զույգ նյարդ՝ եռվորյակ նյարդ (n. trigeminus) → 2-րդ ճյուղ` վերինծնոտային նյարդ (n. maxillaris) →  այտաքունային նյարդ (n. zygomaticotemporalis)

Դիմային նյարդ (n. facialis) → քունքային և այտային ճյուղեր (r. temporalis et r. zygomaticus n. facialis)

 

 

Քունքային փակեղ (ջլոն) (fascia temporalis)

Սկսվում է վերին քունքային գծից  և ծածկում է քունքամկանը։ Հասնելով այտային աղեղին՝ բաժանվում են երկու թերթիկների՝

• մակերեսային – այտային աղեղի արտաքին մակերեսին է կպնում,

սրանց միջև տեղադրված է բջջանք և միջին քունքային զարկերակ և երակը (a.v. temporalis media)։ Զարկերակը համարվում է մակերեսային քունքային զարկերակի ճյուղ, իսկ երակը՝ մասնակցում է հետծնոտային երակի կազմավորմանը։

• խորանիստ – այտային աղեղի ներքին մակերեսին է կպնում,

 

Ենթաջլոնային բջջանք

Այտային աղեղից ցած կապում է այս շրջանը ստորքունքափոսի հետ՝ դեմքի խորանիստ շրջանում։ Այս ճանապարհով կարող է ինֆեկցիան տարածվել։

Քունքամկան (m. temporalis) 

Սկսվում է ստորին քունքային գծից  և նրա ջիլը կպնում է ստորին ծնոտի պսակաձև ելունին (processus coronoideus mandibularis): Այս մկանի ներքին մակարեսին տեղադրված են՝ քունքային խորանիստ առաջային և հետին նյարդաանոթային խուրձը (a.v.n. temporalis profundus anterior et posterior)։ Զարկերակները սկիզբ են առնում վերինծնոտային զարկերակից, իսկ նյարդերը ստորինծնոտային նյարդից։

Քունքոսկրի խրթեշ

Բարակ է, դիպլոիկ շերտը թույլ է արտահայտված։ Վերնոսկրը ամուր կպած է ոսկրին։  Ենթավերնոսկրային ճարպային բջջանքը բացակայում է։ Միջին ուղեղապատյանային զարկերակը (a. meningea media) տեղադրված է ոսկրի ներքին մակերեսին՝ համանուն ակոսում։ Այս անոթի վնասումը կարող է առաջացնել էպիդուրալ հեմատոմա, որը անհապաղ վիրահատական մ իջամտության կարիք ունի։